報名之前，
值得睇清楚嘅嘢。

01課程內容同時數

196 痛症手法課程一班兩日，合共 6 小時，教授 19 種可即時應用嘅軟組織同關節手法。小班 10 人制，每種手法學員至少親手做 3 次，導師逐個調整力度同角度。

課程由在職香港註冊中醫師教授。196 係手法技術課程，唔係執業資格——完成課程唔等於取得任何專業註冊或牌照。學員應用所學時，須留意自己本身專業嘅執業範圍。

02費用

價格以報名當日網站所列為準。加購優惠屬限時性質，ANKI 可隨時調整或終止，已完成報名者不受其後嘅價格變動影響。

03無限複課

加購之後唔使再交錢。複課環節嘅日期、時間、地點同名額由 ANKI 安排並另行通知，唔保證任何固定頻率或指定日子。名額有限時，會以先報先得或其他公平方式安排。

無限複課資格只限本人使用，不可轉讓、不可轉售、不可兌換現金。

如 ANKI 終止無限複課服務，會透過學員群或已登記嘅聯絡方式通知。加購費用不設退款。

04報名同付款

兩種付款方式：

• 轉數快（FPS）繳付全額學費
• 先付訂金留位，餘額喺上堂前繳付

留位喺付款指示發出後 — 內有效。逾時未收到款項，該位置會釋放畀其他報名者。

05改期同取消

如 ANKI 因人數不足、場地問題、惡劣天氣或其他不可抗力取消課堂，會另行安排改期。

天文台懸掛八號或以上熱帶氣旋警告信號、或黑色暴雨警告信號時，當日課堂自動取消並另行安排。

06上課須知

場地提供按摩床同所需器材，唔使自備。請穿著鬆身、方便活動嘅衣物——課堂上你會為同學做手法，亦會俾同學做。

課堂會拍攝相片或影片作教學紀錄同宣傳用途。如唔希望出鏡，請喺當日開課前告知導師。

07健康同安全

如你有以下情況，報名前請先告知我哋：懷孕、近期骨折或手術、骨質疏鬆、腫瘤、急性發炎、嚴重心血管疾病、或正在接受任何治療。課堂上我哋會講清楚邊啲情況唔應該自行處理。

學員須為自己嘅身體狀況負責。課堂上如感到不適，請即時停止並通知導師。

本課程不構成醫療建議，亦唔可以取代醫生或其他註冊醫療專業人士嘅診斷同治療。

08個人資料

報名時收集嘅姓名、電話、電郵同職業，只會用嚟聯絡你同安排課堂，包括班次確認、改期通知、複課通知。

我哋唔會將你嘅資料出售或提供畀無關第三方。你隨時可以要求查閱、更正或刪除你嘅個人資料——WhatsApp 通知我哋就得。

09條款更新

ANKI 可隨時修訂本頁條款，修訂於本頁發布後生效。已完成報名嘅課堂，以報名當日嘅條款為準。

本條款以繁體中文版本為準。